سرکاری یونیورسٹیز میں تعلیمی نظام گر گیا، ایچ ای سی نے انتہائی قدم اٹھالیا

سرکاری یونیورسٹیوں میں معیار تعلیم گر گیا۔ہائر ایجوکیشن کمیشن نے 32 سرکاری یونیورسٹیوں کی کارکردگی پر تشویش کا اظہار کرتے ہوئے رپورٹ سینیٹ میں جمع کرا دی ہے۔

ہائر ایجوکیشن کمیشن نے 32 سرکاری یونیورسٹیز کی کارکردگی پر تشویش کا اظہار کیا ہے۔ لاہور سمیت پنجاب کی 9 سرکاری یونیورسٹیوں کی کارکردگی کو غیر تسلی بخش قرار دیا گیا ہے۔

نیشنل کالج آف آرٹس، آئی ٹی یونیورسٹی، بہاؤ الدین زکریا یونیورسٹی ، ویمن یونیورسٹی ملتان، صادق کالج ویمن یونیورسٹی بہاولپور کی کارکردگی پر تشویش کا اظہار کیا گیا ہے جبکہ علامہ اقبال اوپن یونیورسٹی نے سرکاری دستاویزات ایچ ای سی کو جمع ہی نہیں کرائی۔

ہائر ایجوکیشن کمیشن نے سرکاری یونیورسٹی کی کارکردگی رپورٹ سینیٹ میں جمع کرا دی ہے۔ سینیٹ نے 32 سرکاری یونیورسٹیز کی غیر تسلی بخش رپورٹ پر وائس چانسلرز سے وضاحت طلب کر لی ہے۔

عثمان بزدار حکومت کا سنگھاسن ڈولنے لگا

ویب ڈیسک : اسپیکر پنجاب اسمبلی اور پاکستان مسلم لیگ کے رہنما چودھری پرویزالہی نے کہا ہے ہم تو حکمرانوں کا ساتھ نبھا رہے ہیں یہ ہمارے ساتھ نہیں چل رہے۔ پاکستان مسلم لیگ کی پارلیمانی پارٹی کا اجلاس کل شام طلب کرلیا گیا۔

مسلم لیگ ق نے حکومت سے اپنے تحفظات کا اظہار کرتے ہوئے پارٹی کی پارلیمانی پارٹی کا اجلاس اتوار کی شام طلب کرلیا گیاہے۔ چودھری پرویز الہی اسپیکر پنجاب اسمبلی کا کہنا تھا کہتین سال سے اللہ کے فضل سے ہم انہیں وفاق اور صوبے میں ساتھ لے کر چل رہے ہیں۔ہم ان کا ساتھ نبھا رہے ہیں یہ نہیں نبھا رہے،پنجاب حکومت کی انتظامیہ ہر ضلع میں ہمارے کارکنوں کے ساتھ ناروا سلوک کر رہی ہے جبکہ سینیٹر کامل علی آغا کا کہنا تھا کہ حکومت کو یاد دلانے کیلئے سینیٹ کا الیکشن ہی کافی ہے۔کیا حکمران بھول گئے کہ کس طرح ووٹ مانگے بغیر ان کو کامیابی ملی۔حکمران یہ بھی بھول گئے کہ ان کا کوئی بندہ ووٹ مانگنے کیلئے بھی نہیں آیاپھر بھی انہیں سینیٹ کے مشکل ترین الیکشن میں ہم نے اللہ کے فضل انہیں کامیابی کے ساتھ نکالا۔ ذرائع کے مطابق پارلیمانی کمیٹی کے اجلاس میں مشاورت کے بعد متفقہ فیصلہ کل جاری کیا جائے گا۔

نشے میں دھت جاوید چوہدری کے بیٹےکی خواتین اساتذہ ودیگرعملے بدتمیزی اوردھمکیاں،مقدمہ درج

اسلام آباد :نشے میں دھت جاوید چوہدری کے بیٹےکی خواتین اساتذہ ودیگرعملے بدتمیزی اوردھمکیاں،مقدمہ درج ،اطلاعات کے مطابق معروف شخصیت جاوید چوہدری کے بیٹے کی کالج اساتذہ اوردیگرعملے سے بدتمیزی اورپھردھمکیوں کا معاملہ اہم صورتحال اختیارکرگیا

ذرائع کے مطابق اسلام آباد ماڈل کالج فار بوائز سیکٹر ایف الیون تھری میں نشے میں دھت چار افراد کالج میں زبردستی داخل ہوئے ،یہ بھی معلوم ہوا ہے کہ ملزمان گرے کلر کی ویگو گاڑی iCT16 میں کالج کے گیٹ کے سامنے آئے

اس حوالے سے ملنے والی اطلاعات میں بتایا گیا ہے کہ ایف آئی آر میں کہا گیا ہے کہ ملزمان گارڈ سے گالم گلوچ کرکے زبردستی کالج میں داخل ہوئے،

یہ بھی خبریں اس وقت گردش کررہی ہیں کہ اس دوران ملزمان نے کالج میں اسٹاف اور بچوں کو مارنا پیٹنا شروع کردیا،اور یہ چیز ایف ائی آر میں بھی درج ہے

نشے میں دھت ملزمان جنہوں‌نے خواتین اساتذہ کو بھی حراساں کیا،ان کے نام کچھ علی فیضان، محمد فائز جاوید، حارث، اور فضل خان ہیں، اسلام آباد پولیس کا کہنا ہے کہ ان مجرموں کو گرفتار کرلیا ہے

پسرور میں مزارات۔

پنجاب کے بعض دوسرے شہروں اور قصبوں کی طرح پسرور شہر میں بھی بزرگوں کے مزارات موجود ہیں۔ بڑے بڑے اولیا اکرام یہاں آسودہ خاک ہیں!

امام میراں برخودار

یہ مزار بہت قدیم ہے امام صاحب کی لحد کے پاس ہی ایک اور لمبی سی قبر ہے جسے نوگزا کہا جاتا ہے۔ مزار کے اوپر ایک بڑا سا گنبد تعمیر کیا گیا ہے۔ خیال یہی ہے کہ سیالکوٹ کے امام صاحب کی طرح اس مزار کی گنبد نما عمارت بھی گجرات کے شاہ دولہ نے تعمیر کی ہو گی ان کے مزار کے پاس چند قبریں اور بھی موجود ہیں ان کے بارے میں اس سے زیادہ معلومات نہیں مل سکی۔

سید جلال شاہ بخاری

آپ کا مزار شیر کے مشرقی جانب محلہ دوبرجی میں واقع ہے مزار کے قریب ہی ایک مسجد ہے یہاں کوئی عرس نہیں ہوتا۔

 شاہ ببن!

شاہ ابن کے نام سے بھی مشہور تھے انکا مزار شہر سے ریلوے اسٹیشن کی جانب جاتے ہوئے بائیں جانب ایک قبرستان میں واقع ہے مزار پختہ ہے۔ چار دیواری بھی موجود ہے یہاں بھی کوئی عرس نہیں ہوتا۔

 شاہ دریا دیوان

شہر پسرور کے مشرقی جانب مائی تابی کے قبرستان میں پختہ مزار ہے جہاں ہر جمعرات کو چراغاں کیا جاتا تھا (اب کا پتہ نہیں) شوق مرحوم کے نانا اللہ دتہ نے پختہ مزار تعمیر کیا تھا۔ یہاں ہر سال 15 ساون کو میلہ لگا کرتا تھا۔

پیر سہریاں والا پنج تنی

ہشت پہلو جسے پکا تالاب بھی کہا جاتا ہے کہ مغربی جانب چھوٹی اینٹ کا مزار ہے روایت ہئ کہ آپ امام میراں برخوردار کے ساتھیوں میں سے ہیں یہاں اب سارا دن بھنگ ہی گھوٹی جاتی ہے میرے خیال میں یہاں میلہ بھی لگایا جاتا ہے مجھے اس کی تاریخ معلوم نہیں۔

پیر مادے شاہ

میاں ابراہیم کاکا کی کوٹھی کے احاطے میں ایک کچی قبر ہے جس کے حالات ابھی تک معلوم نہیں ہو سکے کہا جاتا ہے کہ کسی زمانہ میں یہ چھوٹی اینٹ کی پختہ قبر تھی۔

پیر جہانیاں

شہر کے مغربی قبرستان میں ہشت پہلو تالاب جسے پکا تالاب بھی کہا جاتا ہے کے قریب واقع ہے لاری اڈا سے جو سڑک سبزی منڈی کی طرف جاتی اس راستے میں آتا ہے یہاں پیر جہانیاں نام کے ایک بزرگ کا مزار ہے اور انہی کے نام سے قبرستان کو بھی پیر جہانیاں قبرستان کہا جاتا ہے اس مزار کے سرہانے کی جانب مشہور فارسی شاعر دلشاد پسروری کی بھی قبر ہے۔

پیر نامی شاہ ) نامے شاہ)

نامی شاہ مہاراجہ رنجیت سنگھ کے دور میں حیات تھے وفات انگریزی دور عہد میں ہوئی شہر کے مشرق میں سرکلر روڈ کے کنارے ان کا مزار ہے یوں تو یہ محلہ دہو سیالی میں واقع ہے مگر ان کے نام کی وجہ سے علاقہ بھر میں اسے محلہ نامی شاہ بھی کہا جاتا ہے۔

شاہ ناگا ولی

موری دروازہ کت باہر ایک غیر معروف مزار ہے جسے ناگا ولی کے نام سے یاد کیا جاتا ہے حالات زندگی ابھی تک عیاں نہیں ہیں۔

محبت شاہ ولی

قبرستان کھوکھراں میں انکا مزار ہے روایت ہے کہ آپ بھی امام میراں برخودار کے ساتھویں میں سے تھے کفار سے جنگ کرتے ہوئے اسی جگہ شہید ہے تھے۔

پیر جھولا

پولیس چوکی (تھانہ سٹی ) کے عقب مٰں مسجد گھاڑھواں کے قریب ایک مزار ہے یہاں آرام کرنے والے بزرگ کا نام کیا ہے کچھ معلوم نہیں ہو سکا ویسے یہ پیر جھولا کے نام سے مشہور ہیں ۔

بازار کلاں سے ککے زئی دروازہ کی جانب جاتے ہوئے بائیں ہاتھ پر ایک بزرگ کا مزار ہے جن کا نام 1892 عیسوی

کے بندوبست مٰن شاہ بدر ہے اس مزار کو کئی ناموں سے منسوب کیا جا رہا ہے۔

۔ محلہ ککے زئی میں چاہ دین محمد کے قریب ایک مزار ہے جسکی تفصیلات ابھی صیغہ راز میں ہیں

جھنگی شاہ

کچے تالاب کے شمال میں ایک جھنڈ میں ایک مزار ہے ان کے زندگی کے حالات ابھی صیغہ راز میں ہیں یہ جھنگی شاہ کے نام سے مشہور ہیں اب یہاں بہت آبادی بڑھ گئی ہے جیسے دربار کے نام کی نسبت سے پیر جھنگی شاہ ہی کہاجاتا ہے اس دربار کی جانب جانے کے لئے سیالکوٹ بائی پاس سے نارووال کی جانب جاتے ہوئے خانم میریج ہال کے بلکل سامنے ہی ایک گلی سیدھی جاتی ہے اس میں مزکورہ دربار ہے یہ سارا محلہ پیر جھنگی کے نام سے ہی جانا جاتا ہے خانم میرج ہال تھانہ صدر سے تھوڑا سا پہلے ہے۔

بابا عظیم شاہ

شہر کے مشرق میں محبوب محل سینما کے جنوبی جانب بابا عظم شاہ کا دربار ہے مزار پختہ ہے اسکے قریب دوسری قبریں ہیں ایک سی مسجد بھی ہے ۔۔

مزارات تو ابھی کافی ہیں وقت کی قلت کے باعث اس موضوع کو مکمل کرنے کے لئے وقت کے دھارے پر چھوڑ رہا ہوں انشااللہ قریب وقت میں اسے مکمل کر دوں گا۔

سیالکوٹ میں 98کاشتکاروں کو بذریعہ قرعہ اندازی2لاکھ 50روپے فی لیزر یونٹ سبسڈی دی جائے گی

سیالکوٹ(ویب ڈیسک) :نجی نیوز ویب سائٹ اردو نیوز کے مطابق نیشنل پروگرام فار امپروومنٹ آف واٹر کورسسز فیز ٹو کے تحت ضلع سیالکوٹ میں 98کاشتکاربھائیوں کوبذریعہ قرعہ اندازی 2لاکھ 50روپے فی لیزر یونٹ سبسڈی دی جائے گی۔

اس سلسلہ میں اصلاحِ آبپاشی پروگرام پنجاب کے زیر اہتمام انوار کلب آڈیٹوریم سیالکوٹ میں ریجنل ڈائریکٹر اصلاح زرعی آ بپاشی گوجرانوالہ ڈاکٹر غلام عباس کی زیر صدارت لیزر یونٹس کی تقسیم کے سلسلہ میں قرعہ اندازی کی تقریب کا انعقاد کیا گیا۔

اس موقع پر نمائندہ ڈپٹی کمشنر سیالکوٹ،تحصیلدار عمر مشتاق، ڈی ڈی اصلاح آبپاشی سیالکوٹ محمد عمران سمیت کاشتکاروں نے کثیر تعداد میں شرکت کی۔ ریجنل ڈائریکٹر اصلاح آ بپاشی گوجرانوالہ ڈاکٹر غلام عباس نے بذریعہ قرعہ اندازی لیزر لینڈ لیولرزیونٹس کے خوش نصیب کاشتکاروں کو مبارکباد دیتے ہوئے کہاکہ اصلاحِ آبپاشی کا مقصد آبپاشی کے پانی کی ترسیل اور استعمال میں بہتری کو یقینی بنا تے ہوئے فصلوں اور پانی کی پیداواری صلاحیت کو زیادہ سے زیادہ بڑھانا اور صارفین کی شراکت کے ذریعہ اصلاحِ زرعی آبپاشی کی جدید ٹیکنالوجیز کو فروغ دینا ہے۔

ڈی ڈی اصلاح زرعی آبپاشی سیالکوٹ محمد عمران نے کہاکہ کھالاجات میں ضیاع کے علاوہ آبپاشی کے دوران تقریباً 40 فیصد پانی ناہموار کھیتوں اورزرعی رقبہ جات کی نامناسب حد بندیوں کی وجہ سے ضائع ہو جاتا ہے جو پیداوار میں کمی کا باعث بنتا ہے۔ شعبہ اصلاح آبپاشی نے اس مسئلے کا حل 1985 میں ہمواری زمین بذریعہ لیزر لینڈ لیولنگ ٹیکنالوجی متعارف کروائی۔ روایتی طریقے سے زمین کی ہمواری کے برعکس لیزر لینڈ لیولنگ سے آبپاشی کے پانی کے ضیاع میں 35 فیصد کمی اور فصلوں کی پیداوار میں 23 فیصد اضافہ ہوتا ہے۔ شعبہ اصلاحِ آبپاشی کی جانب سے حکومتِ پنجاب امسال 9500 لیزر یونٹس سبسڈی پر کاشتکاروں کو فراہم کرنے جارہی ہے اور یہ ٹیکنالوجی صوبہ بھر کے کاشتکاروں میں انتہائی مقبول ہے۔

وسیم اکرم بھی حسن علی کی حمایت میں بول پڑے

سوئنگ کے سلطان اور سابق لیجنڈری کرکٹر وسیم اکرم بھی فاسٹ بولر حسن علی کی حمایت میں سامنے آگئے۔

بھارتی میڈیا رپورٹس کے مطابق وسیم اکرم نے خبر رساں ادارے سے گفتگو کرتے ہوئے کہا کہ ’مجھے سمجھ نہیں آرہی کہ ایک کھلاڑی کو کیوں ٹیم سے الگ کیا جارہا ہے، حسن علی ہمارے لیے ایک شاندار پرفارمر رہا ہے اور اُنہوں نے ہمیں میچ جتوائے ہیں۔ُ

وسیم اکرم نے سوالیہ انداز میں کہا کہ ’کوئی بھی کرکٹر کیچ ڈراپ کر سکتا ہے؟کیا اس سے وہ برا کھلاڑی بن جاتا ہے؟‘

سابق کرکٹر نے کہا کہ ’صرف ایک غلطی پر پورا ملک حسن علی کے پیچھے پڑ گیا ہے جوکہ اچھی بات نہیں ہے، میں بھی ماضی میں اس سے گزرا ہوں، وقار یونس اس سے گزرے ہیں۔‘

اُنہوں نے کہا کہ ’دوسرے ممالک میں کرکٹ صرف ایک کھیل ہے، وہاں ناقص پرفارمنس کے اگلے دن شائقین حوصلہ دیتے ہیں، اگلی بار اچھا پرفارم کرلینا۔‘

سابق کرکٹر نے یہ بھی کہا کہ ’آسٹریلوی کھلاڑیوں نے بھی کیچ چھوڑے، حسن کا اعتماد بہت کم ہے اور میں سمجھتا ہوں کہ ٹیم انتظامیہ کی ذمہ داری ہے کہ وہ اس بات کو یقینی بنائے کہ وہ مکمل طور پر گِر نہ جائیں۔‘

دوسری جانب وقار یونس نے کہا کہ ’کوئی بھی کرکٹر جان بوجھ کر کوئی غلطی نہیں کرتا، بحیثیت سابق کھلاڑی میں خود جانتا ہوں کہ میں بہت برے وقتوں سے گزرا ہوں، میں نے بھی کیچ چھوڑے ہیں۔‘

اُنہوں نے کہا کہ ’مجھے یاد ہے کہ کس طرح لوگوں نے 1996ء کے ورلڈ کپ کوارٹر فائنل کے بعد مجھ پر تنقید کی تھی لیکن مجھے لگتا ہے کہ ہمیں یہ سمجھنے کی ضرورت ہے کہ یہ ایک کھیل ہے۔‘

واضح رہے کہ میچ کے 19ویں اوور میں شاہین آفریدی کی گیند پر حسن علی سے ویڈ کا کیچ ڈراپ ہوگیا تھا، کیچ چھوٹنے کے بعد ویڈ نے 3 چھکے لگاکر پاکستان سے جیت چھین لی تھی۔

ویڈ نے17گیندوں پر 41 نا قابل شکست رنز بنائے جس میں چار چھکے اور دو چوکے شامل تھے۔

ان کی ناقابل یقین اننگز اور ساتھی مارکس اسٹوئنس کی 31 گیندوں پر 40 رنز کی اننگز کی بدولت آسٹریلیا اب فائنل میں پہنچ گیا ہے جہاں اتوار کو وہ نیوزی لینڈ کے خلاف میچ کھیلے گا۔

قومی ٹی ٹوئنٹی اسکواڈ بنگلا دیش پہنچ گیا

قومی کرکٹ ٹیم ٹی ٹوئنٹی سیریزکھیلنے کیلئے دبئی سے بنگلادیش پہنچ گئی۔

پاکستان کرکٹ ٹیم ولڈکپ میں اپنا سفر ختم کرنے کے بعد 3 میچز پر مشتمل ٹی ٹوئنٹی سیریز کھیلنے کیلئے دبئی سے بنگلادیش پہنچی ہے۔

ٹیم کے کپتان بابراعظم اور آل راؤنڈر شعیب ملک 16 نومبر کو ڈھاکا میں اسکواڈ کو جوائن کریں گے۔

قومی اسکواڈ بنگلا دیش میں ایک روزہ آئیسولیشن کے بعد ٹریننگ کا آغاز کرے گا۔

سیریز کے تینوں ٹی ٹوئنٹی میچز 19، 20 اور 22 نومبر کو ڈھاکا میں کھیلے جائیں گے اس کے علاوہ پاکستان ٹیم بنگلادیش کے خلاف 2 ٹیسٹ میچز بھی کھیلے گی۔

ٹیسٹ سیریز کیلئے ٹیم کا اعلان بعد میں کیا جائے گا۔

یاد رہے کہ بنگلادیش کے خلاف ٹی ٹوئنٹی سیریز کیلئےٹی ٹوئنٹی ورلڈ کپ کے قومی اسکواڈ میں صرف ایک تبدیلی کی گئی ہے،محمد حفیظ کی جگہ افتخار احمد کو اسکواڈ کا حصہ بنایا گیا ہے۔

محمد حفیظ نے چیف سلیکٹر محمد وسیم سے گفتگو کے بعد اس سیریز میں نوجوان کھلاڑیوں کو صلاحیتوں کے اظہار کا موقع دینے کے لیے سیریز میں شرکت نہ کرنے کا فیصلہ کیا تھا۔